مقشر بسيط للجسم

السلام عليكم ورحمه الله وبركاته

اليوم يبتلكم موضوع ووصفه
بسيطه بس حبيت اشجع العضوات اللي ينزلون مواضيع انهم يجملون موضوعهم بالصور ومو شرط
من تصويرج

يعني هل موضوع انا اقتبسته من موقع اجنبي
وهذا فيديو توضيحي بس انا سويته على طريقه صور
steps

لهل سبب
مااحلل اي بنت تنقل الصور لاني تعبت واااايد عليهم

بما ان الحين موسم اعراس
وصيف يعني اللي بتعرس او بتروح عرس تبي بشرتها اتكون
صافيه وفيها لمعه محببه مثل نجمات هوليوود والبرازيليات المشهورين بجسمهم الرائع
وسر هل الجسم هو التقشير ثم التقشير ثم التقشير وممكن عمل مقشر بالبيت بكل سهوله
وتقير مكوناته باللي متوفر عندكم

اول شي المكونات
:

- علبه زجاجيه ( يفضل انج اتعقمينها بانج تغلينها في ماي حار
واتنشفينها عدل او مسحها بكحول طبي )

- سكر او ملح ( بس للي
بشرتها جافه وايد ماانصحها تستخدم الملح )

- زيت الاطفال اي نوع
اتفضلينه او اي زيت ثاني مثل الزيتون او اللوز او الجوجوبا , زيت بذره العنبو زيت
الخوخ... الخ

- ملعقه كبيره معدنيه او خشبيه ( بس احرصي على
تنظيفها وتجفيفها عدل مدل)
- فيتامين E

- اي زيت معطر ( ورد, ليمون, نعناع , افندر lavender
...)

الحين الطريقه :
1-

اول شي يوضع الملح او السكر في العلبه الزجاجيه ( وانا افضل
السكر الاسمر على الابيض مش عشان شي بس يعجبني شكله هههههه
)

2-

نسكب الزيت ( البيبي اويل او اي زيت اتفضلينه
)

3-
نخلط المكونين عدل لين
يتجانسون

4-
انضيف الفيتامين E والزيت العطري اللي يعجبك ( انا
احب الافندر والورد)

5-
ونخلط المكونات عدل

6-
وبعدها انسكر العلبه وممكن انزينها بشريط ملون (
ممكن تهدينها كهديه )

(( ممكن اتضيفين اشويه
بيكنج سودا BAKING SODA بايكربونيت السودا))

الحين اضافات :
( مقشر رائع
للصيف)
- ممكن اضافه لهل مقشر نعناع مجفف مطحون وكم قطره ملون الاكل
لونه اخضر وكم قطره زيت النعناع
وكم قطره عصير ليمون وكم
قطره زيت شجره الشاي وهل مقشر يبرد ويعقم لحتوائه على زيت شجره
الشاي

- وممكن تجفيف قشر
البرتقال والليمون وطحنه واضافته للمقشر اللي
فوق

- فكره ثانيه هي اضافه
ورد بلدي مجفف وبضع قطرات زيت ورد وكم قطره لون الاكل احمر عشان يعطيه لون
رائع

- وبعد ممكن اضافه عسل
طبيعي واشويه قرفه cinnamon مطحونه

وممكن اتضيفين شوفان
للترطيب والتنعيم

- ممكن اضافه اشويه من
زهره الافندر المجففه وكم قطره زيت افندر
Lavender

- وللسليولايت ممكن
اتضيفين قهوه مطحونه

- ممكن اضافه زنجبيل
مطحون وكم قطره زيت برتقال او جريبفروت

وهذي بعض الصور لمقشرات
منزليه

وانشاءالله يعجبكم
الموضوع

منقول